43,73,125ஆம் ஆண்டின் ஆவணி மாத வெளியீட்டில் மடாதிபதிக் குழுவை ஆங்காங்கே எப்படி எப்படி எல்லாம் உருவாக்கி அருட்பணி புரிய வேண்டும் என்பதனை விளக்கி குருதேவர் மாணாக்கர்களுக்கு எழுதிய கடிதங்கள் உள்ளன.
ஈரோட்டைச் சேர்ந்த சித்தரடியாருக்கு (அருள்மிகு பழனியாண்டவர் சன்னிதானம்) அருட்பணி விரிவாக்கத் திட்ட மையத்தினை அமைத்து செய்ய வேண்டியவற்றினை விளக்கி குருதேவர் எழுதிய அஞ்சல் முதலாவதாக உள்ளது.
அடுத்ததாக ஈரோடு கைலாய நாதர் சன்னிதானம் அவர்களுக்கு குருதேவர் பரிகார முறைகளை வழங்கியும், இந்து முன்னேற்றக் கழக உறுப்பினர் அட்டையைப் பயன்படுத்திச் செயலாக்கும் விதங்களை விளக்கியும் எழுதிய நெடிய அஞ்சல் உள்ளது. பதினெண்சித்தர் மடாதிபதிக் குழுவை உருவாக்கி குழுவில் உள்ள அங்கத்தினர் அனைவரும் தங்கள் தங்களுடைய அருட்பட்டங்களைச் சித்தி செய்து கொள்ளத் தேவையான வழிகாட்டு முறைகளையும் இந்த அஞ்சலில் குருதேவர் வழங்கியுள்ளார்.
மூன்றாவதாக பதினெண்சித்தர் மடாதிபதிக் குழுவில் உள்ள அருட்பட்டங்களுக்கு விளக்கங்களை வழங்கிய அறிவிக்கை எண்: 7777 உள்ளது.
பதினெண்சித்தர்களின் குடமுழுக்குப் பூசைமுறை என்ற நூலைப் பற்றிய அறிமுகத்தினை வழங்கிடும் சிறு குறிப்பு இறுதியாக உள்ளது.
இந்த வெளியீட்டினை முழுமையாகப் படித்திட இங்கே தொடரவும் ===>>>
தஞ்சைப் பெரிய கோயிலைக் கட்டிய 11வது பதினெண் சித்தர் பீடாதிபதி ஞாலகுரு சித்தர் காவிரியாற்றங்கரைக் கருவூறார் அவர்களின் வழி வந்த வாரிசே எங்களது குருதேவர். இவர் காலத்தில்தான் விண்ணும் மண்ணும் இணையும் என்ற ஏட்டுச் செய்தி இருப்பதால் குருதேவர் அவர்கள் எண்ணற்ற மானுடர்க்கு அருளை வழங்கி பேரருட்கொடை வள்ளலாகத் திகழ்கின்றார். சென்னையை அடுத்த செங்குன்றத்திலிருந்து 6 கல் தொலைவில் உள்ள காரணோடை என்ற இடத்தில் இவரது எண்ணற்ற சமாதிகளுள் ஒரு சமாது உலகறிய அமைந்துள்ளது.
தஞ்சைப் பெரிய கோயிலைக் கட்டிய 11வது பதினெண் சித்தர் பீடாதிபதி, அண்டபேரண்ட அருட்பேரரசர், இந்து வேத நாயகம், இந்து மதத் தந்தை, ஞாலகுரு சித்தர் காவிரியாற்றங் கரைக் கருவூறார் அவர்கள் கி.பி.785 முதல் கி.பி.1040 வரை செயல்பட்டார். இவரே பிற்காலச் சோழப் பேரரசின் தந்தையும் அரசகுருவும் ஆவார். தமிழர்களுக்காகத் தமிழனே ஆளக் கூடிய ஒரு பேரரசாக, அருட்பேரரசாக பிற்காலச் சோழப் பேரரசை உருவாக்கி வளர்த்தார். தஞ்சைப் பெரிய கோயிலில் போர்க்கால, போர்க்கோலத்தில் வீற்றிருக்கின்றார்.
